నకిలీ, ట్యాంపరింగ్ నంబర్ ప్లేట్లపై పోలీసుల ఉక్కుపాదం

నకిలీ, ట్యాంపరింగ్ నంబర్ ప్లేట్లపై హైదరాబాద్ ట్రాఫిక్ పోలీసులు ఉక్కుపాదం మోపారు. అలాగే ఈ నంబర్ ప్లేట్లపై ప్రత్యేక తనిఖీలు చేపట్టారు. ట్రాఫిక్ చలానాల తప్పించుకునేందుకు ఫేక్ నంబర్ ప్లేట్లు వాడితే కఠిన చర్యలు తీసుకుంటామని హైదరాబాద్ సిటీ పోలీస్ ట్రాఫిక్ విభాగం జాయింట్ కమిషనర్ జోయల్ డేవిస్ హెచ్చరించారు. నిబంధనలు ఉల్లంఘించిన వారిపై ఐదు క్రిమినల్ కేసులు నమోదు చేశామని వెల్లడించారు.